سفید پیاز کا مزاج اور سفید پیاز کے فوائد

سفید پیاز کے فوائد

پیاز دنیا بھر میں مشہور سبزی ہے، روزمرہ استعمال میں آنے کی وجہ سے ہر کوئی اس سے بخوبی واقف ہے، اس کی چند اقسام ہیں، ہر قسم کی تاثیر یکساں ہے، عام طور پر سفید اور سرخ رنگوں میں یہ قدرت کا ایک انمول عطیہ ہے، اسے سالن پکاتے وقت مصالحہ کی جگہ استعمال کیا جاتا ہے، بطور اچار سرکہ میں ملا کر استعمال کیا جاتا ہے، اس کی چٹنی بھی تیار کی جاتی ہے اور سلاد کے طور پر بھی کھایا جاتا ہے، پیاز کے بیج سیاہ رنگ کے اور نہایت چھوٹے چھوٹے ہوتے ہیں، پیاز اور پیاز کے بیج دوا میں استعمال ہوتے ہیں، پیاز میں پروٹین، نمکیات، فاسفورس اور وٹامنز ہوتے ہیں، اسکا مزاج گرم اور خشک ہوتا ہے، کچی شکل میں پیاز سبزی کے طور پر پکایا جا سکتا ہے، اس کی مقدار خوراک دو تولہ ہے، علم طب کے پرانے حکماء نے پیاز کے اتنے زیادہ فوائد تحریر کیے ہیں کہ جان کر یقیناً آپ حیران ہو جائیں گے۔

سفید اور سرخ پیاز میں فرق

سفید پیاز سرخ پیاز سے زیادہ فائدہ مندہوتا ہے اسی لئے سفید پیاز سرخ پیاز کی بنسبت تھوڑاسا مہنگا بھی ہوتا ہے، سفید پیاز ہر قسم کی جنسی کمزوری کے مریضوں کیلئے قدرت کا انمول تحفہ ہے، اس پیاز کا باقاعدگی سےاستعمال مادہ تو لید کی افزائش کر کے جسمانی طاقت اورقوت میں اضافہ کر تا ہے اور ساتھ ساتھ یہ آپ کی آواز کو دلکش اور سریلی بنا کر آپ کو خوبصورت، سمار‌ٹ بنا دیتا ہے،زردی مائل چہرے کی رنگت ختم کر کےاسے سرخی مائل بنا دیتا ہے، سفید پیاز کو جنسی کمزوری دور کرنے کیلئے بے شمار طریقوں سے استعمال کیا جاتا رہا ہے اور اب بھی حکماء اس کے استعمال کا مشورہ دیتے ہیں تو آج کے اس مضمون میں آپ کو سرخ پیازاور سفید پیاز کے فوائد سے آگاہ کرنے کے ساتھ ساتھ سفید پیازسےجنسی کمزوری کو دور کرنے کا ایک نہایت ہی آسان نسخہ بھی بتائیں گے۔

سفید پیاز شوگر اور دل کے امراض

صحت کیلئے انتہائی مفید غذائیت سے بھر پور سفید پیاز اعصاب کو طاقت بخشتا ہے، اس میں موجود سیلینیم، انسانی مزاج کودرست رکھتاہے، آپ کو تفکرات، ڈپریشن اور تھکاوٹ کا شکار نہیں ہونے دیتا، سفید پیاز میں موجود کرومیم شوگر کے مریضوں کی شوگر کنٹرول میں رکھتا ہے،سفید پیاز کرومیم کا ایک ذریعہ ہے، اس کی وجہ سے یہ خون میں شوگر کی سطح کو کنٹرول کرنے میں مدد کرتا ہے اور انسولین مزاحمت کے معاملات کو بہتر بنانے میں مدد کرسکتے ہیں،کوریا میں پلانٹ ریسورس ریسرچ انسٹی ٹیوٹ سے پتہ چلا ہے کہ سفید پیاز شوگر سے لڑنے میں مدد دیتا ہے کیونکہ یہ پلازما گلوکوز کی کم سنجیدگیوں میں مدد کرتا ہے اور وزن میں کمی کی بھی مدد کرتا ہے،سفید پیاز میں پایا جانے والاایک جوہر سلفائیڈ، خون کو پتلا رکھتا ہے، سفید پیاز کولیسٹرول کی مقدار کو متوازن رکھتا ہے، جس کی وجہ سے بلڈ پریشر کنٹرول میں رہتا ہے اور آپ دل کے امراض سے محفوظ رہتے ہیں، سفید پیازوں میں فلیونائیڈز موجود ہوتا ہے، جو آپکے دل کو صحت مند رہنے میں مدد دیتا ہے کیونکہ ان میں مرکبات ہیں، جو دل کی بیماری کو روکنے میں مدد کرتے ہیں، اگر آپ اپنے کھانے میں مرکبوں کو شامل کرتے ہیں تو آپکو دل کی بیماری کا خطرہ کم ہو جاتا ہے، دور جدید میں ہارٹ فیل ہوجانا بے حد عام ہو چکا ہے، چنانچہ برطانوی اسپتالوں میں مختلف تجزیوں کے بعد معلوم کیا گیا ہے کہ سفید پیاز کا مسلسل استعمال دل کے امراض سے محفوظ رکھتا ہے، سفید پیاز کے بارے میں ایک اور اہم چیز یہ ہے کہ یہ خون پتلا کرتا ہے جس سے اسٹروک اور دل کی بیماری کا خطرہ کم ہوتا ہے۔

سفید پیاز اور معدہ کے امراض

سفید پیاز استعمال کرنے سے جریان دور ہو جاتاہے، سفید پیاز میں فینول اور فلیونائیز ہوتے ہیں، جو آپ کو آنت کے کینسر سے محفوظ رکھتے ہیں، چالیس سال سے زائدعمر افراد کو پراسٹیٹ غدود بڑھنے کی وجہ سے پیشاب میں رکاوٹ پیدا ہونے کی تکلیف کا سامنا کرنا پڑتا ہے، ا یسے مریضوں کیلئے سفید پیاز کا استعمال بہت فائدہ مند ہوتا ہے، سفید پیاز پیشاب آور، اور جراثیم کش بھی ہے، اس سے پیشاب بکثرت آتا ہے اس کے علاوہ سفید پیاز کےاینٹی بیکٹریل خواص ، پیشاب کی نالی کے انفیکشن کو کنٹرول کر کے مثانے کی سوزش کو ختم کر کے پیشاب کے فاسد مادوں اور جراثیم کو باہر نکالنے میں بھی معاونت کرتے ہیں، سفید پیاز کا استعمال جراثیم اور کیڑوں کو ہلاک کرتا ہے ،سفید پیاز نظام انہضام کی اصلاح کرتا ہے، فوڈپوائرزننگ سے بچاتا ہے، قبض اور بواسیر کو کنٹرول کرتا ہے، موسم گرما میں پیا ز کا استعمال گرمی کی شدت سے محفوظ رکھتا ہے اور لو سے بچاؤ کا مؤثر ذریعہ ہے، پھیپھڑوں کے افعال کو بہتر کر کے بلغم، کھانسی اور دمہ کے مریضوں کو صحت عطا کرتا ہے،امراض چشم کے مریضوں کیلئے سفید پیاز کا استعمال انتہائی مفید ہے۔

سفید پیاز کے متفرق ٹوٹکے

نہار منہ پچیس گرام سفید پیاز کا پانی پینے سے گردہ مثانہ کی پتھری ریزہ ریزہ ہوکر خارج ہوجاتی ہے، سفید پیاز میں سلفر پایا جاتا ہے، جو بالوں کی افزائش کیلئے بہت مفید ہوتا ہے اسلئے گنجے سر پر دوبارہ بال اگانے کیلئے اور سر کی جوئیں مارنے کے لئے سفید پیاز کے پانی سے لیپ کو بہت مفید خیال کیا جاتا ہے، ہیضے کے دنوں میں سفید پیاز کو پھوڑ پھوڑ کر جگہ جگہ گھر میں اس طرح رکھا جائے کہ سارے گھر میں سفید پیاز کی بو سما جائے، یہ ہیضے سے محفوظ رہنے کی نہایت عمدہ تدبیر ہے،گٹھیا کے مرض میں سفید پیاز کا پانی اور رائی کا تیل ملاکر جوڑوں پر مالش کریں، اس سے سب جوڑ کھل جائیں گے اور آرام آجائے گا، گلے کی سوزش کے لیے سفید پیاز پیس کر دہی اور شکر ملاکر کھانے سے ٹھیک ہو جاتا ہےاگر نکسیر بند نہ ہوتو ناک میں دو یا تین قطرے سفید پیاز کا پانی ڈالنے سے ناک سے خون بہنا رک جائے گا، خونی پیچش میں مبتلا مریض کو ، دہی میں سفید پیاز کا پانی ملا کر کھلانے سے فوری افاقہ ہوتاہے، الرجی، سوزش، برص اوردانتوں کے درد کے مریض بھی اس کو کھا کر شفاء حاصل کر سکتے ہیں،دیگر ریسرچز سے پتہ چلتا ہے کہ وہ خواتین جو سفید پیاز کا استعمال کرتی ہیں انکی ہڈیاں مضبوط ہوتی ہیں،فرانس میں سفید پیاز کا سوپ شوق سے پیا جاتا ہے، یہ ہی وجہ ہے کہ دوسرے یورپی ملکوں کے مقابلے میں فرانس میں دل کے امراض کم ہوتے ہیں،دوسری جنگ عظیم میں روسی ڈاکٹروں نے محاذ جنگ پر زخمی ہونے والے سپاہیوں کا علاج محض کچی پیاز سے کیا تھا، زخم پرسفید پیاز باندھ دی جاتی اور ایک دو دن کے اندر اندر زخم خشک ہو جاتے تھے، زکام کی وجہ سے ناک سے پانی بہہ رہا ہوتو سفید پیاز کا پانی سونگھنا اور سفید پیاز کھانا مفید ہے، پیٹ کے درد کے لیے سفید پیاز کو آگ میں گرم کر کے نچوڑیں اور پانی نکال لیں،اس میں ایک ماشہ نمک ملا کر مریض کو کھلائیں، درد جاتا رہے گا،اگرہم یہ کہیں کہ صرف ایک سفید پیاز میں اللہ تعالیٰ نے سینکڑوں بیمارویوں کا علاج رکھا ہے تو غلط نہ ہوگا،

سفید پیاز اور قوت باہ

اب ہم آپ کو جنسی کمزوری دور کرنے کے لئے پیاز کا ایک نسخہ بتاتے ہیں، سفید پیاز کا رس اور شہد یہ دونوں چیزیں ایک ،ایک تولہ لے کرانہیں مکس کرلیں اس کایہ مکسچر دس گرام روزانہ دوپہر کے وقت، نیم گرم دودھ کے ساتھ استعما ل کریں، صرف دو ماہ استعمال کر لیں اور سال میں ایک مرتبہ پیاز اور شہدکامکسچریہ تو ضرور استعمال کر لیا کریں، ہر قسم کی جنسی کمزوری دور کرنے کے لئے بہترین نسخہ ہے، اگر آپ اس کو مزید پاور فل بنانا چاہتے ہیں تو تیس سال سے زائد عمر کے افرد اس میں چند چیزیں اور شامل کر لیں تو یہ ایک بہتر ین معجون بن جائے گا، جو آپ کے ارمان پورے کر دے گا، سفید پیاز کی اس معجون میں تمام اشیاء کی مقدار درج ذیل رکھ لیں، سفید پیاز کا رس بیس تولہ ، تخم کونچ مدبردس تولہ ، لونگ کیپ دس تولہ ، شہدآدھا کلو ،تخم کونچ مدبر کرنے کے لئے انہیں مقدار سے چار گنا زیادہ دودھ میں ابال کر چھلکا نرم کر لیں، جب چھلکا آسانی سے اتارنا ممکن ہو دودھ کو آگ سے اتار کر ٹھنڈا کر لیں، چھلکا اتار کر مغز تخم کونچ دھوپ میں خشک کرنے کے بعد گرینڈ کر کے استعمال کر لیں، تخم کونچ کا چھلکا اور دودھ ضائع کر دیں اسے استعمال نہ کریں۔۔۔

سفید پیاز کا پاؤڈر

سفید پیاز کے رس کی بجائے اس کا پاوڈر بھی استعمال کر سکتے ہیں،کمرشل بنیادوں پر بھی سفید پیاز کا پاؤڈر مل جاتا ہے لیکن اگر آپ خود تیار کر لیں تو یہ سب سے بہتر ہے اگر اس کو اچھی طرح خشک کیا گیا ہو تو اس کی شیلف لائف ایک سال تک ہوتی ہے زیادہ بہتر یہ ہے کہ اتنی مقدار تیار کی جائے جو چھ ماہ کیلئے کافی ہو چھ ماہ کے بعد دوبارہ تیار کر لیا جائے، اگر آپ اس کو شہد میں مکس کر کے رکھیں گے تو اس کے خراب ہونے کے چانسز بہت کم ہوں گے اور اگرآپ کے پاس سفید پیاز کی معجون بنانے کیلئے وقت نہیں ہے تو اس کا حل بھی ہے روزانہ چھوٹے سائز کا آدھا سفید پیاز دوپہر کے وقت کھانے کی عادت ڈال لیں، جب تک سفید پیاز نہیں ملتا اس وقت تک سرخ پیاز استعمال کر لیں یہ بھی بہت فائدہ مند ہوتا ہے، جب سفید پیاز لے آئیں تو اس کو دوپہر کے کھانے کا حصہ بنا لیں ساری زندگی جنسی کمزوری کی شکایت نہیں ہو گی اور دیگر سینکڑوں بیماریوں سے بھی محفوظ ہو جائیں گے، سفید پیازکو صبح یا شام کے اوقات میں کھانے کو مردانہ صحت کیلئے نقصان دہ خیال کیا جاتا ہے اس لئے سفید پیاز کو ہمیشہ دوپہر کے وقت استعمال کریں۔