جسمانی جنسی اور دماغی قوت اور طاقت بڑھانے کے لاجواب ٹوٹکے

جسمانی ،جنسی،دماغی طاقت بڑھانے کے لاجواب ٹوٹکہ

ٹوٹکہ نمبر ایک
دودھ میں پستہ ،بادام پچاس گرام الائچی تین دانے ،زعفران صرف پانچ بال اور شکر ڈال کر خوب جوش دیں اور چولہے سے اتار کر تھوڑا ٹھنڈا کر کے پیئں اس طرح یہ عمل چالیس یوم سردیوں میں کرنے سے بے پناہ طاقت ملتی ہے۔
ٹوٹکہ نمبر دو
انجیر کو دودھ میں جوش دے کر کھانے سے اور اس دودھ کو پینے سے قوت آتی ہے اور خون بڑھتا ہے اور جسم موٹا ہو جاتا ہے۔
ٹوٹکہ نمبر تین
بھینس کے  نیم گرم دودھ میں 2 چمچ  خالص شہد کو اچھی طرح سے ملا کر  رات  کو پی لیا کریں تمام  جسمانی قوت اور طاقت بڑھانے کیلئے بے حد مفید ہے۔
ٹوٹکہ نمبر چار
اگر صبح کے وقت نہار منہ 7 عدد  بادام کھا کر اوپر سے گاجر کا جوس 10 تولہ، گائے کا دودھ آدھا کلو میں ملا کر پی لیا کریں اس سے دماغ کوطاقت ملتی ہے اور جسم خوبصورت اور طاقتور ہوجاتا ہے۔
ٹوٹکہ نمبر پانچ
روزانہ صبح اور رات کو  کھانے سے ایک گھنٹہ پہلے  شکر دیسی  اور سنامکی برابر ملا کر اس کا سفوف کھانے سے قوت آتی ہے۔

جسم ‏موٹا کرنے کا آزمودہ ٹوٹکا صرف ایک چیز کا استمال

دبلے پتلے جسم کو موٹا اور وزن بڑھانے کا دیسی نسخہ

خوبانی کا مزاج اور اسکے فائدے

ٹوٹکہ نمبر چھ
کالے چنے کو پیس کر  اس  آٹےکا حلوہ بنا کر روزانہ کھانے سے اعصابی ودماغی کمزوری سے نجات ملتی ہے۔
ٹوٹکہ نمبر سات
 روزانہ رات کو 21 دانے کشمش اور ایک چمچ  خالص شہد کو گائے کے خالص دودھ میں بھگو رکھیں صبح  نہار منہ  کشمش دودھ سے نکال کر  کھالیں اوپر سے اسی  دودھ  کو نیم گرم کرکے پی لیں دماغی طاقت کیلئے فائدہ مند ہےجسم کو طاقتور بناتا ہے۔
ٹوٹکہ نمبر آٹھ
گاجر کا رس نکال کر روزانہ صبح نہار منہ پینے سے جسم میںقوت  آتی ہے یہ  یرقان کے مریضوں  کیلئے فائدہ مند ہے اگر گاجر کے جوس میں ایک چمچ شہد مکس کردیا جائے تو اس کا  دوگنا فائدہ ہوتا ہے۔
ٹوٹکہ نمبر نو
ایک پاو دودھ میں ایک چمچ شہد اور  ایک چٹکی دارچینی ڈال کر پینے سے کمزوری فوری طور پر دور ہوجاتی ہے۔
ٹوٹکہ نمبر دس
 روزانہ صبح ناشتے میں دودھ کے ساتھ دو عدد کیلے کھانے سے جسم کا  دبلاپن دور ہوجاتا ہے۔
ٹوٹکہ نمبر گیارہ
 روزانہ صبح نہار منہ  مالٹے کا رس  نکال کر پینے سے جسمانی قوت بحال ہوجاتی ہے۔
ٹوٹکہ نمبر بارہ
روزانہ  نہار منہ صبح کے ناشتے میں ایک عدد سیب کھانے سے جسمانی قوت  تا حیات بحال رہتی ہے۔
ٹوٹکہ نمبر تیرہ
کھجور کے پانچ عدد دانے دودھ میں ابال کر کھانے سے بدن طاقتور ہوتا ہے۔
ٹوٹکہ نمبر چودہ
ایک عدد خشک انجیر، پانچ  دانے بادام اور شکر دودھ میںابال  کر پینے سے خون صاف ہوتا ہے جسم میں بھرپور طاقت  آتی ہے۔
ٹوٹکہ نمبر پندرہ
مغزاخروٹ،بادام،منقیٰ اور انجیرکو آپس میں ملا کر کھانا مقویٰ اعضائے رئیسہ اور دماغ کیلئے طاقتور چیز ہے۔
ٹوٹکہ نمبر سولہ
کدو کا گودا 5تولہ،املی 2 تولہ،چینی 2 تولہ، ان تینوں چیزوں کو 1کلو پانی میں ابالیں جب ایک پاؤ پانی باقی رہ جائے تو اتار کر چھان لیں اور ٹھنڈا ہونے پر فریج میں رکھ لیںاور  ایک ہفتہ  نہار منہ ایک گھونٹ پلاتے رہیں۔ جسم کی تمام گرمی دور ہوکر  انشااللہ خون صالح پیدا ہوگا اور اس کے ساتھ ساتھ  دماغ  بے حد طاقتور ہوجائے گا  ہائی بلڈپریشر کے مریضوں کیلئے  بے حدفائدہ مند ہے۔
ٹوٹکہ نمبر سترہ
سونف دو ماشہ،منقیٰ پانچ عدد، الائچی خورد دس عدد،مغز بادام چھیلے ہوئے دس عددجملہ ادویات کو پانی میں گھوٹ کر گھوٹا بنالیں۔ مصری کا اضافہ کرکے دن میں دو یا تین بار پلانا مقوی دل اور دماغ ہےپیاس کو تسکین دیتا ہےمعدہ اور جگر کی ورزش کیلئے مؤثر ہے۔
ٹوٹکہ نمبر اٹھارہ
دارچینی دو تولہ،بچ ایک تولہ،ہرڑ کابلی ایک تولہ،مصری دو تولہ،چاروں چیزوں کو باریک پیس کر سفوف بنا لیں روزانہ ایک ماشہ سے دو ماشہ تک صبح و شام پانی کے ساتھ استعمال کریں۔ حافظہ کی تقویت کیلئے بے نظیر نسخہ ہے۔